പിണക്കം (കവിത)
പെയ്യുവാന്‍ മടിക്കും
മാരിമേഘങ്ങള്‍….
അനിശ്ച്ചിതമാം യാത്രയിലാണ്‍.
പാപം പെയ്യും മലയാളഭൂമിക്ക്…..
എന്തിനവയുടെ കനിവിറ്റണം?
രക്തം ചൊരിയും പാപഭൂമിക്ക്……
എന്തിനവയുടെ കരലാളനം?
എന്നും മരവിച്ച മനസ്സിന്നുടമകള്‍ക്ക്…
എന്തിനായവ കുളിര്‍നീര്‍
ചൊരിയണം?
മദമാത്സര്യ മത്തഭൂമിക്ക്……
എന്തിനായൊരു ചുംബനമേകണം?
എല്ലാം മറക്കുന്ന
മര്‍ത്യമോഹങ്ങള്‍ക്ക്…..
എങ്ങിനെ നല്‍കുമൊരു
പുണ്യസ്പര്‍ശനം?
യാത്രയിലാണവ………
വൈരം പൊടിക്കാത്ത
തീരം തേടി…….
മനുഷ്യത്വമുഴലുന്ന
ഭൂമുഖം തേടി…..
എന്നും ചിരിക്കുന്ന
മര്‍ത്യരെത്തേടി….
മനുഷ്യനെത്തേടി……മനസ്സിനെത്തേടി…..
അതെ… യാത്രയിലാണവ…..
(മഴക്കാലം പകുതിയോളം
പിന്നിട്ടിരിക്കുന്നു. ഇനിയും പെയ്യാത്ത
മഴമേഘങ്ങള്‍ ഇങ്ങിനെ
ചിന്തിച്ചിരിക്കുമോ?)
-ഹരി നായര്‍ (13-07-2012)
No comments:
Post a Comment